學法文時間, Pommes係蘋果 , 完
O係屋企搵到一本法國藍帶基本入門, 入面有lee個蛋糕
整焦糖蘋果, 一個蘋果切8份, 去芯. 另外一邊用50牛油煮70g糖, (用牛油係因為D糖會慢D燶).
溶左放入蘋果, 煮煮煮, 煮到牙簽一下吉得入. 拎出黎攤.
蛋糕:
佢用左膨脹麵糊(Pate Battue-poussee), 主要就係牛油同糖先拌勻(直到溶哂冇糖粒) ,加salt, 加蛋(如果蛋太凍要慢慢加, 如果唔係會分開 <--- 油同水分開, 如果見到分開緊, 唔駛驚, 即刻放一匙面粉入去, 應該就會合得番一齊, 詳見http://en.wikipedia.org/wiki/Emulsion).再加牛奶 又係完全混合之後, 最後加哂所有粉整到個面糊咁.
材料:
低粉100, 牛油100, 糖100,蛋2隻(糖呢就兩茶匙, 仲要加D橙皮tim,<-- 人地係雞蛋6隻wor), 20g牛奶, 5g baking powder.
整好個面糊之後.
準備一個冇穿既焗爐兜, 用牛油搽下個邊, 沾糖上去<-- 防止你拎唔番個cake出黎, 鋪蘋果O係底, 倒焦糖O係面, 最後用個面糊封起所有野.
160度焗, depends個野幾大焗幾耐, 大概十分鐘check一次, 吉支牙簽入去, 出番黎冇野痴住就係OK. 焗好左反番轉佢, 就好似下面咁.
好明顯D蘋果唔得啦, 都未吸哂D糖, 可能係種類問題, 又或者係唔夠耐. 但係個蛋糕好食, 暖食都OK.
中意肉桂既可以放上面.
